ВОСХИТУВАЧКИ ФАКТ: Камп Самтер бил конфедерален логор за воени затвореници, првично дизајниран да држи само 10.000 мажи; сепак, на крајот бил искористен за повеќе од 30.000. Потокот низ средината на кампот бил единствен извор на вода, и се користел за сè – капење, перење, пиење. Плус, тоалетите биле на само три метри оддалеченост. Дизентеријата била неконтролирачка. Во август 1864 година, силна бура однела голем дел од отпадот на кампот. Молња удрила, и извор на чиста вода настанал. Затворениците го нарекле „Извор Провиденс“.
Дали е толку тешко да се поверува дека Бог го употребил невремето во кампот Сумтер за да обезбеди вода и да го спаси животот на многу затвореници? Кога ги споредуваме извештаите за невремето на Галилејското Море, станува јасно дека таа вечер имало навистина две бури, и Бог користел една од нив за да ги спаси учениците.
Луѓето биле толку импресионирани од чудото со лебовите и рибите, што биле подготвени да го направат Исуса Цар на сила (Јован 6:15; Библија). Јован вели дека кога ги сфатил нивните намери, Исус си заминал сам за да се моли. Тој додава дека Исус „веднаш ги натера Своите ученици да влезат во коработ, додека Тој го распушти народот… зашто не го разбраа чудото со лебовите, туку срцето им беше закоравено.“ (Марко 6:45.52; Библија). Учениците влегле во коработ под знак на протест затоа што не го разбираат одбивањето на Исус да прифати земно царство.
Невремето во нивните срца било засенето од невремето на морето. Нивниот гнев избледеал кога го виделе Исуса како оди по вода, како ветерот престанал кога Тој влегол во коработ, и како коработ веднаш пристигнал на другата страна. Со двете бури што сега се смириле, Му се поклониле во нов дух, велејќи: „Навистина Ти си Божји Син.“ (Матеј 14:33; Библија).
КЛУЧЕН БИБЛИСКИ ТЕКСТ
„Чудесно нè услишуваш во Својата правда, о Боже, наше спасение, надеж на сите краишта на светот и на далечните мориња… Ги скротуваш: шумот на морето, шумот на брановите и вревата на народите.“ (Псалм 65:5.7; Библија)
