И не бидете соучесници во бесплодните дела на темнината, туку напротив: разоткривајте ги!
(Ефесјаните 5:11 ; Библија)

И кога ќе ви речат: „Обратете се кон оние, што извикуваат мртовци, и кон маѓесници, кон бајачи и оние што говорат од стомак, тогаш одговарајте: не треба ли народот да се обрнува кон својот Бог? Се прашуваат ли мртви за живи?”
(Исаија 8:19 ; Библија)

Најпосле, јакнете во Господа и во силата на Неговата моќ! Облечете се во сето Божјо оружје, за да можете да им се спротивставите на измамите на ѓаволот. Зашто нашата борба не е против крвта и телото, туку против началствата, против властите, против светските владетели на темнината на овој век: против духовните сили на злото во небесните места.
(Ефесјаните 6:10-12 ; Библија)

Разоткривање на астрологијата

Интересен, па дури и шокантен феномен е тоа што во 21-от век – век на експлозивен напредок на науката и технологијата, астрологијата како псевдонаука и окулнтна дисциплина на пророкување, која потекнува од паганските царства на Стариот век и која е заснована на мистични начела и научни грешки, доживува голем процут. Стручна астролошка литература се умножува експоненцијално во денешно време, како и бројот на астролози и љубители на астрологијата. Никогаш во историјата на астрологијата, долга неколку милениума, не биле истовремено достапни толку различни видови астрологија и типови хороскопи. Никогаш технолошките алатки за нивната изработка не биле толку напредни. Никогаш не била толку присутна во секојдневните животи, ниту имала толку голем број поклоници, како денес.

Се поставуваат прашањањата:  Во што е тајната привлечност на астрологијата и нејзината популарност, па дури и за луѓето во 21-от век? Што е тоа што воопшто ги влече луѓето кон астрологија?

ЗМЕЈОТ РАЗОТКРИЕН
[од темнина во светлина]

Последните 50 години сведочат за експлозија на источната филозофија и боречките вештини во западната култура. Какво било нивното влијание во последните 2 генерации? Каде води овој пат на кој сме почнале да чекориме? Дали поучувањето на боречките вештини, таи-чи и јога навистина водат кон подисциплиниран начин на живот, како што е популаризирано и истакнато од медиумите денес? Дали нашите деца стануваат подобри Божји мажи и жени преку овие практики или постои нешто многу измамничко кое се одвива позади сцената? Ова документарно видео ги бара одговорите токму на овие прашања.

Почнувајќи од почетокот, од каде потекнуваат боречките вештини? Во ова видео се објаснети почетоците на источниот мистицизам, преку кои ќе се уверите како луѓето ги мешале светлината и темнината заедно во текот на долги години. Тоа се има провлечено и во филмската индустрија, музиката и литературата. Можеби бараме изговори и тврдиме дека ја знаеме разликата помеѓу реалноста и фантазијата, но дали прави разлика за нас ако само знаеме дека нешто е нереално? Нешто длабоко во нас е сè уште афектирано и полека се привикнуваме на повеќе насилство, повеќе сексуалност и промискуитет и поголем либерализам.

Ерик почнал да тренира боречки вештини на 14 години, веднаш после разводот на неговите родители. Барајќи стабилност и смисла на неговиот живот, го почнал неговиот животен пат со ветувања за самодоверба, сигурност и контрола. Во текот на следните 24 години, Ерик добил црн појас, како и сертификати за инструктор во 7 стилови на боречки вештини. Бил примен и во „Домот на славните на боречките вештини“ во САД. Бил признат како инструктор во неколку кинески вештини, како таи-чи, куан, багуаженг, ки гонг и традиционална кинеска медицина. Но, во годините на неговата широка вклученост во источните мистични вештини, Ерик станал слеп за силите кои владееле со него и се заканувале да го уништат него самиот, неговиот живот, бракот и семејството.

Во ова видео, Ерик Вилсон покажува како боречките вештини се комплетен фалсификат на Христовиот пат. Во боречките вештини се нагласува концептот на одбрана и напад, но тоа не е Христовиот пат. Наместо да дозволуваме постепени компромиси кои се вовлекуваат во нашите верувања, да дознаеме што е вистина, а што лага, и да ја одбереме чистата вистина.

Разоткривање на спиритизмот

Верувањето во задгробен живот, во бесмртна душа или во бесмртен дух, создало извонредно плодна почва на која никнала и се развила една недосеглива појава која е целосно надвор од нашиот рацио и која станува сè поинтересна и попривлечна за денешниот човек. Станува збор за спиритизмот (spirit – дух), кој произлегува од кошот на окултните појави (occultum – скриен, таинствен). Се работи за длабоко таинствени и необјасниви настани, манифестации и феномени недостапни, несфатливи и неодгатливи за луѓето, бидејќи природно петте сетила на човекот се наполно немоќни да се справат со нив, исправно да ги сфатат и успешно да ги разрешуваат. Нашиот разум, е целосно надвор од нивните димензии, без никаква можност да проникне во нивната суштина и правилно да ги одгатне. Окултизмот луѓето ги поврзува со натприродните сили, со паранормалните енергии или со демонските влијанија, односно со демоните.

Според библиското пророштво, спиритизмот, како окултна демонска манифестација или демонски феномен, ќе стане најраширена и најдоминантна духовна појава, вистинско мајсторско ремек-дело на сатанската измама, сатанска сила во последните денови, пред второто Христово доаѓање, која ќе се инфилтрира и ќе ги проникне сите сфери од општествениот живот и којашто ќе ја прифати и пред која ќе се поклони цел свет, од најсиромашните во бедните колиби на зафрлените подрачја, до најбогатите во луксузните и раскошните палати, и од наједноставните луѓе, до најголемите умови, сила пред чиишто моќни и чудесни манифестации, човечкиот „рацио“ ќе остане не само нем, туку и зашеметен, вџашен и стаписан.

Не можејќи успешно и правилно да се справи, да ги сфати и да ги одгатне, тие мегавеличествени манифестации, човештвото истите ќе му ги припише на Бога и на неговиот Свети Дух, наполно погрешно, тврдејќи дека тоа е „голема сила Божја“ (Дела 8,10), зашто нивен проектант и директен изводител е сатаната кој стои длабоко во нивната заднина и оттаму ги влече конците на настаните што се одигруваат на светската сцена.

Овде сме соочени со феномени од областа на надрационалното и ако не бидеме библиски, и единствено библиски подготвени да поделиме мегдан со нив, ќе нè голтне нивното мракобесие. Зошто инсистираме на библиска подготовка? Од проста причина. Науката е немоќна тука да ни помогне. Само и единствено Библијата го разоткрива спиритизмот како феномен и пеколните намери на сатаната што планира да ги спроведе со негова помош – светот да го прелаже со најголемата лага во историјата на вселената, да го стави под свое знаме во последната битка против Христа и неговиот верен народ кој ги држи неговите заповеди и празнува сабота, и да го фрли во последен очај, во амбис од кој нема излез.

Pin It on Pinterest